Սա մի գեղեցիկ ու բարի պատմություն է հրաշքների մասին: Հեքիաթի հերոսները կրկեսի դերասաններն են, որոնց տնօրենը հեռացնում է աշխատանքից հենց այն ժամանակ, երբ նրանք ամանորյա նոր ներկայացում էին պատրաստում:
Տնօրենն ասում է, որ այսուհետ իրենց փոխարեն կրկեսում պետք է ելույթ ունենան ռոբոտները, գոդզիլաներն ու այլմոլորակայինները , որոնք երեխաներին պետք է սովորեցնեն ջարդել-փշրել իրենց նոր խաղալիքները: Դերասանները շատ են
տխրում , բայց ուրիշ ելք չունենալով սկսում են հավաքել իրենց իրերը, որպեսզի հեռանան կրկեսից: Եվ հենց այդ ժամանակ հայտնվում է մի փոքրիկ տղա, ով ամբողջ սրտով հավատում է հրաշքների գոյությանը, ու փոխում է իրադարձությունների ընթացքը: Իսկ թե ինչպես է դա նրան հաջողվում կիմանաք , երբ դիտեք մեր ամանորյա , շատ գունեղ, կրկեսային համարներով լի, հրաշքաշատ ներկայացումը: